[أبو مشاري]

قطرات من الماضي .....

راحت الأيام والسنين وبقـــــى الحال هو الحال

يا صــاحبي أنت أول و آخـــــر من سكن فيني

كتبت في صفحة النسيان عنــــــوان كلمة محال

محال تفارق عيونك خيالي لو المـاضي ما يبني

جيتك على طاري الغــرام شــلونك كيف الحال

تكفين يا بعــد روحي من أمـــس اليوم تعذريني

قطعت الدروب وشطبت أسمـــــك من الوصال

حقك اليوم بسلاح الصـــــــد و النكران تقتليني

أنا اللي ما وفيت جــــــوابك ولا وفيت السؤال

ولا وفيت الماضي في أول ولا في أخر سنيني

استاهل منك الهجر واستــــاهل عتابك والخيال

واستاهل مع أخر أوراق الخــــــريف ترميني

تقدرين تضربيني في جحـــــــــود الحب مثال

وتقدرين ترسميني في قلبك عذاب وتجرحيني

أما أنا بحتريك لا حـــانت فيني ساعة الزوال

وأحتري بكفـوفك تمسحين دمــعي وتضميني

وبعيش باقي عمري في عذاب الحب وغربال

واتخيلك في سحابي عـلى طيف الحنين تجيني

مثل ما كنتِ تمشين الخُطى خـطوة مثل الغزال

وخطوة مثل زهور الحــب في جمالها تغريني

أنشدك باسم المحــبة و ما بقى في حلمي أمال

لو جيتك اليوم مثل الأمــــــــــــــس ابتقبليني

أو تتركيني في مشوار الحـزن ودرب المحال

أو لا جيتك على طاري الغــــــرام ابتذكريني

راحت الأيام والسنين وبقــى الحال هو الحال

يا صــاحبي أنت أول و آخــر من سكن فيني

خالد الجنيد / أبو مشاري

المصدر: منتدى شبابنا - من قسم: عَالِمُ الْشِّعْرِ الْخَاصِّ (( بَاقْلامُ الْاعْضَاءْ ))

---

r'vhj lk hglhqd >>>>>